Sugeng rawuh Ing adicara gladen Sesorah lan Pranatacara
·
Pranatacara : Asring dipun sebat Master Of Ceremony,
Pambiwara, Pranata adicara, Pranata titi laksana, Pranata Laksitaning Adicara:
Paraga ingkang tinanggenah nata cara utawi acara, bakuning ayahan nglantaraken
cakcakaning acara utawi adicara wonten ing pepanggihan, pasamuwan ingkang
sampun rinantam.
·
Pranatacara nyepeng ayahan ingkang ageng, dados punjering
kawigatosan, amargi regeng, rancag, nges lan mmbotenipun satunggaling adicara
saperengan ageng dados tanggel jawabipun pranatacara.
·
Soksintena kemawon para paraga ingkang magepokan kaliyan
lampahing adicara utawi pawiwahan mboten saged tumindak piyambak-piyambak
menawi dereng wonten atur saking pranatacara.
·
Sejatosipun pakaryan pranatacara mekaten sanes setunggiling
pakaryan ingkang awrat, awit saksintena kemawon priyantun ingkang mmboten
nandang tuna wicara utawi ingkang kedaling lesan mmboten cetha, tamtu saget
nindakaken pakaryan pranatacara kasebut. Ananging ingkang kathan sami ajrih
dhumateng tuna dungkaping basa. Ananging babagan menika mmboten ndadosaken
pepalang, amargi basa mekaten kathah sanget pocapanipun, pramila setunggal lan
sanesipun priyantun saged ngginakaken basa ingkang pundi kemawon, jer leres
pikajenganipun cak cakanipun, saha gampil kasuraos dening saksintena ingkang
midangetaken.
Ancasipun Sesorah Munapadene Pranatacara
·
Kangge nyaosi pengertosan dumateng tiyang sanes
·
Kangge nyaosi karemenan dhumateng ingkang kepareng midhangetaken
·
Kangge paring pemanggih utawi pendirian ingkang mirengaken
supados kersoa tumindak ingkang dipun suwun dening pamedhar pangandikan
Amrih Dados Pranatacara Saged Lumampah Sae
·
Swara
·
Busana (Ageman)
·
Subasita (Trapsila)
·
Basa lan Sastra
Swara
·
Kedaling lesan kedah kagladhi, supados saged langkung cetha
medaling swanten. Pranatacara saha pamedhar sabda kedah saged mapanaken utawi
ngginakaken swanten ingkang awrat, cekapan, utawi inggil trep kaliyan swasana.
·
Pangolahing suwanten, kedah wajar, cetha, teges mboten ketawis
sanget menawi dipun olah kanthi (hiperbola)
·
Inggih babagan swanten menika, pranatacara saha pamedhar sabda
kedah wigatos dhateng swaraning aksara swara (ucapan), langkung-langkung
beda-beda mingsad-mingsedipun ing tembung lingga saha tembung andhahan.
·
Wirama (lagu) ugi kedah kagladhi kanthi saestu supados sekeca
dipun mirengaken. Kados pundi rindhik rikatipun, mandhap minggahipun, sampun
ngantos kesesa, ananing ugi sampun ngantos nglentreh sanget.
·
Galadhi olah swara punika kedah pikantuk kawigatosan ingkang
mirunggan, amargi punika dados satunggiling sarat baku kagem pranatacara saha
pamedhar sabda.
Busana (Ageman)
·
Ajining raga gumantung busana, mila babagan busana punika ugi
kedahipun gladhi saengga jejibahan pranatacara saha pamedhar sabda saged kalaksanakaken
kanthi sae
·
Anggenipun ngadi busana kedah kajumbuhaken kaliyan keperluanipun
wonten ing upacara punapa ingkang badhe dipun ayahi.
·
Jejering pranatacara saha pamedhar sabda saged
katingal ngrengreng menawi rinengga ing swanten, raga lan busana ingkang
pantes.
·
Pangudining busana saged ngetrapaken kaliyan rupi utawi
wernining busana kaliyan kulit, ugi make up, saengga katingal pantes kaliyan
papan panggenan, mboten nyolok tuwin samadya kemawon
Subasita (trapsila)
·
Trapsila (tata krami) kedah dipun gladi ingkang sae, amargi
trapsila ingkang kirang, saged ngirangi kawibawanipun pranatacara saha pamedhar
sabda
·
Solah bawa sampun ngantos kadamel-damel. Langkung sae bilih
solah bawanipun prasaja kemawon, anteng, manteb ananging mboten kaken (Kaku)
·
Ewah-ewahanipun pasuryan ugi kedah kaudi ingkang sedaya wau
sageda nggambaraken isining penggalih, ingkang lajeng jumbuh kaliyan
swasana. Kadosta, bilih wonten ing pawiwahan saha pahargyan pasuryan bingar,
sumringah lan ramah awit prastawa menika wau ngemu suraos suka, kabagyan, saha
kabingahan.
·
Wondene menawi wonten ing sripah, pasuryan kedah mboten ketingal
bingar, utawi sumringah, amargi punika tamtu mboten jumbuh kaliyan swasana saha
raos manah kulawarga ingkang nembe nandhang duhkita utawi duka sungkawa.
Basa Lan Sastra
·
Basa lan sastra ngawujudaken kabetahan ingkang baku tumrapipun
priyantun ingkang nembe ngayahi tugas utawi jejibahan dados pranatacara saha
pamedhar sabda
·
Basa ingkang kaginakaken kedah miturut tuntunaning sastra ingkang
leres. Pamilihing tembung, ingkang lajeng dipun ronce dados ukara kedah trep,
luwes, sae, wusana sekeca kamirengaken ing asanes.
·
Kanthi pangertosan pranatacara saha pamedhar sabda saged ndapuk
mocap, tembung, ukara saha wacana kanthi leres tuwun laras.
·
Laras tegesipun pranatacara sahapamedhar sabda saged ngrantam
saha mbabar titilaksana trep kaliyan kawontenan saha swasana
·
Leres tegeipun pranatacara saha pamedhar sabda saged ngginakaken
basa ingkang trep kaliyan paramasastranipun.
·
Ingkang menika pranatacara saha pamedhar sabda saget lumebet ing
pawiyatan utawi saged maos piyambak buku-buku ingkang ngemot kawruh
paramasastra kasebat.
Supados saged pikantuk kasil pakaryan ingkang sae,kedah
kagungan pathokan-pathokan kangge nindakaken pakaryan pranatacara saha pamedhar
sabda punika
·
Ing babagan basa, mugi kaginakaken basa ingkang trapsila, wijang
prasaja ananging gampil katampi dening para tamu (ingkang midangetaken) sarta
sakeca kapiarsa
·
Tanggap ing kawontenan, supados pahargyan saged regeng
·
Mangertosi rantaman-rantaman badhe tumapaking adicara kanthi
permati, sarta kedah tanggap ing kawontenan
·
Mangertos asma-asma para paraga ing salebeting pawiwahan kanthi
jangkep sak imbuhanipun
·
Tansah sesambetan kaliyan kadang pranata swara, supados
nyamektakaken gendhing ingkang jumbuh kalihan lampahing acara
·
Tansah sesambetan kaliyan poranparaning pawiwahan (ketua
panitia) supados enggal mengertosi mbok bilih wonten ewah-ewahan adicara
·
Trengginas mutusaken samukawis murih pawiwahan mboten ketinggal
kisruh
Sikap sarira ingkang kirang mranani
·
Jumeneng kanthi lelambaran suku setunggal
·
Jumeneng kanthi suku sakelengkung rapet
·
Jumeneng kanthu suku sakelangkung mekar
·
Jumeneng kanthi loyo/mmboten wonten semangat
·
Jumeneng kirang imbang
·
Jumeneng kanthi lelendhetan papan wicara
·
Ngewah-ewah sarira
·
Jumeneng mmboten jenjem
·
Jumeneng kaku
·
Jumeneng mmboten nggatosaken papan panggenan
Ewah-ewahan pasuryan ingkang mboten mranani
·
Gumujeng ingkang dipun damel-damel
·
Asring mesem
·
Mbesengut
·
Tumungkul
·
Gugup
Ewah-ewahan sarira ingkang mboten mranani
·
Asring ngebahaken satunggaling perangan sarira
·
Ngebahaken perangan sarira kanthi tidha-tidha
·
Ngebahaken perangan sarira kanthi mboten trep kaliyan ingkang
dipun ngendikakaken
·
Asring ngukur talingan
·
Nglebetaken asta wonten ing sak clana
·
Asring mirsani cathetan
·
Asring ningali nginggil
·
Mmboten nggatosaken ingkang midhangetaken
Sesorah lan pranatacara ugi kedah migatosaken babagan
·
Sora lan mmbotenipun suwanten
·
Iramaning swanten
·
Swasananing suwanten ingkang laras kaliyan kawontenan
Tanggap wacana kedah kamot perkawis ingkang sampun urut
·
Salam pambuka
·
Purwaka
·
Isi
·
Wigati (kesimpulan)
·
Pangajeng-ajeng
·
Wusana/purna/Akhir/Entek-entekan
Katerangan Urutaning Tanggap wacana
·
Salam pambuka: inggih punika ngaturaken salam ingkang sepisan,
kadosta, assalamualaikum…wr…wb…salam sejahtera untuk kita semua
·
Purwaka: inggih menika atur matur nuwun dhumateng para tamu
undangan saha atur syukur dhumateng Alla Swt, dlsb
·
Isi: inggih menika sedaya perkawis ingkang dipun wedharaken
·
Wigati: inggih menika inti saking ingkang sampun dipun
wedharaken
·
Pangajeng-ajeng: inggih punika pitedah-pitedah saha
pangejeng-ajeng ingkang dipun wedharaken dhumateng para ingkang midhangetaken
·
Wusana: inggih punika, atur panuwun saha nyuwun pangapunten
bilih wonten kekirangan saha kalepatan anggenipun ngaturaken tanggap
wacana.
Tidak ada komentar:
Posting Komentar