TEMBANG MACAPAT

Tembang Macapat uga diarani tembang cilik yaiku tembang kang duwe paugeran pupuh (bait), guru gatra (cacahing larikan), guru wilangan (cacahing wanda = suku kata), lan guru lagu (tibaning swara saben pungkasaning gatra/larikan tembang) utawa dong ding.

utawa

Macapat iku tembang tradhisional ing tanah Jawa. Saben bait macapat nduwèni baris kalimat sing diarani gatra, lan saben gatra nduwé sawetara guru wilangan (suku kata) tinamtu, lan dipungkasi nganggo uni pungkasan sing diarani guru lagu. Macapat kanthi jeneng sing béda uga bisa ditemokaké jroning kabudayan Bali, Sasak, Madura lan Sunda

KAGUNANE :

1. Nyampekake/ngandharake pitutur
2. Ngemu carita (membawakan cerita)
3. Nyritakake fenomena alam, kabudayan, lan prilaku manungsa

Sekar Macapat utawa Sekar Alit

Macapat iki uga sinebut tembang macapat asli, kang umumé dienggo sumrambah ing ngendi-ngendi. Para Wali Songo migunakake tembang macapat kanggo sarana dakwah kang diprakarsani Sunan Bonang, Sunan Kalijaga, Sunan Drajat sarta Sunan Kudus.

Urut-urutané tembang Jawa iku padha karo lelakoning manungsa saka bayi abang nganti tumekaning pati.

Aturan-aturan jroning macapat

Guru gatra       :           wilangan larik/gatra saben pada (Indonesia : bait).

Guru wilangan :           wilangan wanda (Indonesia : suku kata) saben gatra.

Guru lagu        :           tibané swara wanda ing pungkasan ing saben gatra.

Watak lan pangangone tembang macapat

Maskumambang

Yaiku nuduhake gambarane manungsa kang isih ana alam ruh, kang manggon ing njerone rahim (gua garbane ibu), lan ing wektu Gusti Kang Maha Kuasa menehi pitakon marang ruh-ruh mau : “Alastu bi Rabbikum” (AKU iki Pangeranmu/Gustimu ta?), lan para ruh mangsuli : “Qoolu Balaa Sahidna” (Leres, ya Allah Panjenengan Pangeran/Gusti kula, lan kula pinangka seksinipun)

Uga nggambarake jabang bayi sing isih ana kandhutane ibu, sing durung kawruhan lanang apa wadon. Mas tegese durung weruh lanang dan wadon. Kumambang tegese uripe ngambang ing kandhutane ibune.

Melambangkan embrio yang masih dalam kandungan ibunya, yang belum diketahui laki atau perempuan. Mas, artinya belum diketahui laki atau perempuan, sedangkan Kumambang, artinya hidupnya masih dialam kandungan ibundanya.

Mijil

Nuduhake ilustrasi proses laire manungsa (mijil/mbrojol/mencolot lan njedhul). Ana sing mbojol ing India, China, Afrika, Eropa, lan Amerika sarta Negara liyane. Mula saka iku awake kudhu muji syukur ing ngarsane Gusti amarga kalairake ing BUMI PERTIWI sing mbiyen kaaran panggonan kang GEMAH RIPAH LOH JINAWI TATA TENTREM KERTA RAHARJA LIR ING SAMBIKALA (Subur makmur, aman tenteram dan damai sejahtera serta terbebas dari bencana). Ora dilairake ing ing Somalia utawa Ethiopia sarta Negara kang kakurangan gizi.

Ateges wis lahir jabang bayine wujud lanang apa wadon

Artinya sudah lahir didunia jenis kelamin laki atau perempuan.

Kinanthi

Saka tembung kanthi utawa tuntun, kang ateges dituntun supaya bisa mlaku ngambah panguripan alam ndonya. Panuntun iku kang paling utama saka keluarga (ibu lan bapa), lingkungane dolan, sekolah lan sapiturute, uga dhasaring agama (ageman/klambi). Ora ana gunane manungsa wasis tanpa dhasaring agama bener lan pener bakal agawe ndonya bakal cilaka lan kapitunan.

Berasal dari kata kanthi atau menuntun, yang artinya dituntun supaya dapat berjalan didunia ini.

Sinom

Tegese kanoman, minangka kalodhangan sing paling penting kanggone remaja supaya bisa ngangsu kawruh sak akeh-akehe. Mumpung isih enom goleka ilmu (ndonya lan akherat) kang akeh kang migunani kanggo sangune urip ing alam ndonya iki, sebab ora mung cukup banda donya bae kang bisa kangge mulyani agesang (Gusti Allah bakal ngundhakake derajate wong-wong kang duwe ilmu satingkat luwih dhuwur tinimbang liyane)

Artinya pemuda/remaja, disini yang terpenting bagi remaja agar bisa menuntut ilmu yang setinggi-tingginya.

Asmaradana

Tegese rasa tresna, tresna marang liyan (pria lan wanita) kang kabeh mau wis dadi kodrat Illahi. Nggambarake wis wancine (wektune) manungsa nandhang kasmaran kang wis dadi krodrate manungsa bakal tuwuh rasa seneng marang liyane, ananing aja nganti nglalekake tresna kita marang Gusti Kang Maha Agung.

Tresna iku anugrahe Gusti Kang Maha Kuwasa “ …. Waja’alna bainakum mawwaddah wa rahmah, inna dzalika la’aayatil liqouni yatafakaruu ….” (…. Lan takdadekake ing antarane kowe kabeh rasa tresna lan welas asih, saktemene ing njerone pinangka tandha-tandha (ka-Agungan-Ku) tumrape kaum kang mikir)

           

Artinya mempunyai rasa cinta kasih kepada sesamanya baik itu pria maupun wanita, karena semua itu sudah merupakan kehendak/kodrat Yang Maha Kuasa.

Gambuh

Saka tembung jumbuh/sarujuk/nyawiji kang ateges yen wis jumbuh/sarujuk njur digathukake antarane pria lan wanita sing pada nduweni rasa tresna mau, ing pangangkah supaya bisaa urip bebrayan.

Kang utama sajroning urip bebrayan mligine keluarga iku kudu : “Hunna li baasulakum, wa antum libaasu lahum” (bojo-bojomu iku pinangka klambi tumrap kakunge, lan kowe pinangka klambi tumrap dheweke), ing kekarepan para keluarga kudhu njaga kahormatane sisihane, ora oleh nggumbar alane bojone marang sapa bae kang nyebabake miyak alane dhewe.

Berasal dari kata nyambung/sesuai yang artinya kalau sudah pas selanjutnya dijodohkan antara pria dan wanita yang sudah saling mencintai, dengan harapan dapat menjalin kehidupan yang langgeng.

Dhandhanggula

Nggambarake wong kang lagi seneng-senenge, apa kang digayuh bisa kasembadan. Kelakon duwe sisihan/keluarga, duwe omah, urip cukup kanggo sakkeluargane. Mula kuwi wong kang lagi bungah/bombong atine bisa diarani lagu dhandhanggula.

Kepinginan iku sumber kasangsaran. Urip kang bahagia iku kuncine rasa syukur, yaiku tansah syukur marang Gusti marang sakabehing peparinge kang ora bisa kita itung cacahe.

Menggambarkan seseorang yang berbahagia, apa yang dicita-citakan dapat terlaksana. Terlaksana mempunyai pasangan, mempunyai rumah, kehidupan yang kecukupan untuk keluarganya. Makanya seseorang yang sedang menemukan kebahagiaan dapat diibaratkan lagunya dhandhanggula.

Durma

Saka tembung darma/weweh/shodaqoh. Wong yen wis rumangsa kacukupan uripe banjur tuwuh rasa welas asih marang kadang mitra liyane kang lagi nandhang kacintrakan, mula banjur tuwuh rasa kepingin darma/weweh marang sapadha-padha. Kabeh mau disekunyung uga saka piwulange agama lan watak sosiale manungsa.

“sing sapa wonge gelem ngentheng-enthengake kasusahae sedulre nalika ing ndonya, Gusti Allah bakal ngentheng-enthengake ing akherate”

Berasal dari kata pemberi. Seseorang yang merasa kecukupan hidupnya kemudian tergugah rasa kasihan kepada sanak saudara yang sedang menderita, makanya tergugah ingin membantu dan memberi pertolongan kepada siapa saja. Semua itu diberikan pertolongan sesuai ajaran agama dan rasa sosialnya kepada sesama.

Pangkur

Saka tembung mungkur kang ateges, nyingkiri hawa nepsu angkara murka, kang dipikir tansah kepingin weweh sapadha-padha.

Wong kang wis bias meper hawa nepsune, among duwe pepinginan luwih cedak lan raket marang Gustine. Ora mbutuhake misuwure awake ananging bias migunani kanggo sadaya titah.

Berasal dari kata meninggalkan yang artinya menghindari hawa nafsu yang angkara murka, semua yang dipikirkan senantiasa berkeinginan membantu kepada sesamanya.

Megatruh

Saka tembung megat roh utawa pegat rohe/nyawane, awit wis titi wancine katimbalan marak sowan mring Sing Maha Kuasa. Sowane Gusti awake dhewe sing nemtokae kepingin bali ing ngarsane Gusti kanthi BECIK utawa ALA gumantung amal lan panggawene ing alam ndonya.

“Kullu nafsin dzaaiqotul maut” (saben-saben jiwa mesthi bakal mati).

“Kullu man alaiha faan” (saben-saben jiwa mesthi bakal musna).

Berasal dari kata lepas rohnya atau mati, karena sudah saatnya dipanggil menghadap kepada Yang Maha Kuasa.

Pucung/Pocung

Yen wis dadi layon/mayit banjur dibungkus mori putih utawa dipocong diusung dipanggul kaya raja kang mung siji panggonane manungsa kang wis mati omah guwa tanpa lawing tanpa jendela, tanpa rowing tanpa kanca. Apa kang bisa kita gawa among mori lan amal sarta pratinggkahe awake dhewe rikala isih diparingi yuswa.

“Innaka mayyitun wainnahum mayyituuna” (saktemene kowe kabeh bakale mati)

Kalau sudah menjadi bangkai kemudian dibungkus dengan kain putih atau dipocong sebelum dikebumikan.

Mugi-mugi mupangat, supados lestari budaya bangsa.